जयहिंद क्रीडा मंच

सामाजिक आरोग्यासाठी क्रीडा — एक प्रभावी मार्ग क्रीडा ही केवळ शारीरिक व्यायामाची साधनं नसून ती व्यक्तीच्या मानसिक आरोग्याचा आणि सामाजिक ऐक्याचा आधारस्तंभ आहे. खेळल्याने केवळ शरीर तंदुरुस्त राहतं असं नाही, तर मनही सुदृढ होतं. क्रीडांगणावर जाती, धर्म, वर्ग, वय या सगळ्या सामाजिक भेदांची भिंत आपोआप गळून पडते. पराभव पचवण्याची आणि विजय नम्रपणे स्वीकारण्याची शिकवण, संयम, शिस्त, संघभावना, आणि एकमेकांच्या यशाला दाद देण्याची सवय ही क्रीडांगणावरच मिळते. जयहिंद लोकचळवळ समाजात या सकारात्मक बदलासाठी क्रीडाक्षेत्राकडे विशेष लक्ष देत आहे. युवकांमध्ये वाढती बेरोजगारी आणि त्यामुळे आलेली वैफल्यग्रस्तता, व्यसनाधीनता यावर मात करण्यासाठी क्रीडा हाच एक योग्य मार्ग आहे. स्पर्धांचे आयोजन, गुणवंतांना पुढील प्रशिक्षणाची संधी आणि समाजामध्ये आरोग्यदायी वातावरण निर्माण करण्याचा आमचा संकल्प आहे.